Sweet din ang mga Kapampangan!

Standard

Matapos kumain sa Cely’s Carinderia ay nagtungo naman kami sa Susie’s Cuisine para naman bumili ng mga pasalubong. Isang gulong lang ang layo nito sa Cely’s Carinderia, (siguraduhin lamang na walang dumaraang sasakyan sa iyong paggulong). Ang Susie’s Cuisine ay kilala sa kanilang mga kakanin at iba pang sweets o minatamis. Sikat sila sa kanilang tibok-tibok. Para itong maja blanca na walang maja o mais. Puting puti lang ito at nilalagyan ng budbod na latik sa ibabaw. Gawa ito sa sariwang gatas ng kalabaw. Ngayon ko lang natikman ito at kagaya ng ibang masasarap na pagkaing natikman ko, panandalian kong nakalimutan ang pangalan ko sa sarap! Exagg. Pero puera biro, masarap talaga siya at isa ito sa mga native delicacies na nagustuhan ko. Malambot, pino at makrema ang lasa niya. Parang ginawa ng may pagmamahal. Titibok talaga ang puso mo!

Tibok-tibok

Hindi na namin sinubukan pa ang ibang kakanin na meron sila. Bumili na lamang kami para ipasalubong. Sa dami ng puedeng pagpilian hindi ko talaga alam ang bibilhin ko. Pero ang binili ko ay tibok-tibok (P100-5 slices, kulang kasi ang budget na dala eh, P300 ang maliit na bilao, P400 naman sa malaki), baked leche flan na gawa rin sa gatas ng kalabaw (P70 ang llanera) at mochi (P50-10 piraso). Nagulat ako sa mochi nila kasi mukhang gyoza at meron pa itong sauce na parang sabaw ng pinindot (ang pinindot ay ang bersyon ng ginataan sa mga taga-Cuenca, Batangas pero wala itong halong ibang sahog kundi bilo-bilo at sago lamang). Ang nagpakilala kasi sa akin sa mochi ay ang mga kaibigan kong sina Cy at Jays na parehong nasa Japan. Isa itong uri ng Japanese dessert na gawa sa glutinous rice o malagkit tapos may palamang monggo sa loob. Bilog ang hugis nito at hindi pahaba kagaya ng sa Susie’s. Ang kasama ko naman ay bumili ng puto at cassava cake. Pero gaya nga ng nasabi ko, magsasawa ka sa dami ng pagpipilian sa Susie’s. Meron din silang mga brownies, tarts, ensaymada, chicharon, pusit, mani, turrones de kasuy, atbp. Meron din pala silang pansit luglog, carbonara, spaghetti at iba pang pasta.

collage3.jpg
asstd-086.jpg

 

Katabi naman ng Susie’s Cuisine ang Rosing’s Candy Store. Maliit na tindahan lamang ito na dulot sa atin ay diabetes. Hahaha. Kasi lahat ng uri ng pampataas ng blood sugar at pampa-hyper ay meron sila. Meron silang pastillas de leche, pastillas de langka, pastillas pandan, marzapan de kasuy, caramel, yema, nougat at marami pang iba. Tinanong ko kung alin dun ang gawa sa gatas ng kalabaw, sabi ni Ateng Tindera ay yung caramel lamang daw. Nagustuhan ko ang pastillas kasi hindi siya katamisan. Kaya heto ang binili ko. Isang box na 25 piraso ay nagkakahalagang P100. May kamahalan ito dahil sing payat ng sitaw at mahigit kumulang dalawang pulgada lamang ang haba ng bawat isa.

asstd-090v1.jpg

Pinatunayan ng lutong Kapampangan na hindi lang sila sa ulam kakasa, pambato rin ang mga minatamis nila!

 

Advertisements

About rapsa

ako'y isang payat na pinay na libangan ay lumafang galore hangga't may pera sa wallet. dito nauubos ang kaperahang kinikita ko sa mga raket ko bilang titser, singer, development worker, story teller at iba pa. minsan nga pagkain lang ang binabayad sa serbisyo ko solb na! hindi ako maarte sa pagkain. wala naman akong pinipili, kakainin ko ang anumang ihain sa harap ko maliban sa baka. bawal kasi sa ming mga hindu yun. charing. kung hindi ako kumakain, nagbabasa ako ng food blogs o di kaya ay tumitingin sa mga recipe. kung wala ng pera pang pig-out pati yung mga libreng tikim sa supermarket pinapatos ko. mahilig rin akong magbasa ng mga nobela na may kinalaman sa pagkain kagaya ng "like water for chocolate" o kaya ay manuod ng mga pelikulang may pagkain pa rin kagaya ng "tortilla soup" o "chocolat". pangarap ko ang makapag-handa kagaya ng handa ni babette sa "babette's feast" at maimbitahan ang batang nagbebenta ng sampagita sa kalye, yung bulag na tumutugtog sa overpass, yung manang na nagtitinda ng tinapa sa may bangketa at yung lola na namamalimos sa kanto.

8 responses »

  1. Hi Sha! Actually Inapo didn’t like the baked leche flan and the mochi too. Hindi creamy yung leche flan tapos yung mochi mabilis napanis yung sauce. When we reheated it as per instruction ambilis tumigas nung mochi, maganit pa sa belekoy. But I would really recommend the tibok-tibok!

  2. huwaw! susie’s! ang lapit lang sa amin niyan! everytime someone goes home sa pinas nagbibilin kami na pasalubungan kami ng susie’s lalu na yung “tsoklateng binaterol” (hot cocoa) sarap nun pag winter dito sa US!

    love love love susie’s!!!

  3. miss ko yung mga pastillas and yema….gusto ko matikman yung tibok-tibok na yan!!! ikaw ang date ko and tour guide sa pampanga ha?!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s